[b] آه .. أنت فين...[/b]

احمد الحسانى الثلاثاء مارس 30, 2010 2:52 pm

جبان بتدارى فى خوفك
خجلان ملفوف فى كسوفك
مرعوب إبنك فى أمانك
مسلوب حلمك فى منامك
خوفك عفاريت على بابك
شبابيكك والعين مكسورة
بتنزف تواريخ أسيادك

شياطين بتقطع أوصالك
وبتسرق صوتك وكلامك
وبتنفخ موتك فى دماغك
حاسس ألمك فى سكاتك
رغم إنك بتعلم أولادك
كام كلمة إنجليزى فشنك
بليس أيام نوت تررزم
وأولادك رافضين الذل
رافضين الهوان
ا ل ه و ان
ياجبــــــــــــــــــان

قلب الشارع مرصوف بالدم
وسيارة إسعاف ملهوفة
بتلملم فى حروف الجسم
الماسك فى تراب الأرض
أختك أبنى بنتك أمى
ينهش لحمها أنياب الذل
بتحاول تغطى جسمها بدمها
لكن سلاسل الحرية ضدها
وهى مصلوبة على أرضها
بتلفظ صورتك فى أخر الأنفاس
لحظة دخول الموت
ا ل م و ت
ياجبان
إنت مين ؟ إسمك إيه ؟
أصلك فصلك ولاضاعوا
فى الشوارع المزروعة خيانات
والمساجد الميت فيها الأمام
والكنايس المسكونة بيهوذا
ساكن خوفك ؟ ناسك راهب
بتصلى لخوفك ليل ونهار
صلى إركع أسجد
إدعى بدعوات الخوف الطاعة
إنسى الجنة الموصوفة لموتك
ومثواك النار مثواك النار
ا ل ن ا ر

aymnahmed الجمعة أبريل 09, 2010 3:43 pm

قانون الطوارئ فى مصر خلق جيل من الجبناء

نسيت أهنئك على المنتدى إنها خطوة مشجعة ، وأتمنى أن نرى أعمال لأدباء سفاجا المشهورين

[b] آه .. أنت فين...[/b]

[b] آه .. أنت فين...[/b]

[b]جان[/b]